Dos. Dr. Mirxalıq Cavadov

Cərrahi yanaşma

Cərrahiyyədə ən çətin qərar çox vaxt “necə əməliyyat etmək” yox, “əməliyyat etmək lazımdırmı” sualıdır. Eyni diaqnoz iki xəstədə tamamilə fərqli plan tələb edə bilər: yaş, müşayiət edən xəstəliklər, şişin yerləşməsi və mərhələsi, əvvəlki əməliyyatlar — bunların hamısı qərara təsir edir. Buna görə müayinə söhbətlə başlayır, təsvir müayinələri isə sonra gəlir.

Mümkün olan hallarda qapalı (laparoskopik) üsula üstünlük verilir — kəsiklər kiçik olur və bərpa adətən daha sürətli gedir. Lakin qapalı üsul hər xəstə üçün uyğun deyil; şişin ölçüsü, yapışıqlar və ya əvvəlki əməliyyatlar açıq üsulu daha təhlükəsiz edə bilər. Əməliyyat zamanı vəziyyət dəyişərsə, açıq üsula keçmək qüsur deyil, təhlükəsizlik qərarıdır.

Onkoloji hallarda qərar tək bir həkimin deyil, konsiliumun işidir. Cərrah, onkoloq, radioloq və patoloqun birgə müzakirəsi (multidissiplinar yanaşma) müalicənin ardıcıllığını — əvvəlcə əməliyyat, yoxsa əvvəlcə dərman müalicəsi — müəyyən edir.

Elmi və akademik fəaliyyət

Beynəlxalq indeksli jurnallarda dərc olunmuş elmi məqalələrin müəllifi və həmmüəllifidir; nəşrləri PubMed və ORCID-də açıq şəkildə yoxlanıla bilər. Tədqiqat mövzuları əsasən kolorektal cərrahiyyə, qalxanabənzər vəzi xəstəlikləri, süd vəzi iltihabi xəstəlikləri və yırtıq diaqnostikası üzrədir.

Türkiyədə nəşr olunmuş cərrahiyyə kitablarında beş fəslin müəllifidir və “Minimal İnvaziv Cərrahi” kitabının həmredaktorlarındandır. Bir beynəlxalq cərrahiyyə jurnalında hakim (peer reviewer) qismində çalışır.

Bakıda TƏBİB Akademiyasında həkim-rezidentlər üçün seminarlar aparır; mövzular arasında kəskin qarına təcili cərrahi yanaşma və akademik fəaliyyətə başlanğıc var. TƏBİB-in ilkin səhiyyə xidməti üzrə pilot layihəsi çərçivəsində Bərdə Rayon Mərkəzi Xəstəxanasında ailə həkimləri üçün cərrahi təlimlərdə təlimçi olub.

Nəşrlərin, konqres məruzələrinin və mükafatların tam siyahısı →

Assosiasiya üzvlükləri

• The International Association of Surgeons, Gastroenterologists and Oncologists (IASGO) — 2017-ci ildən
• Türk Cerrahi Derneği (TCD) — 2018-ci ildən
• European Society of Coloproctology (ESCP) — 2019-cu ildən
• European Association for Endoscopic Surgery (EAES) — 2019–2021
• Azərbaycan Süd Vəzi Xəstəlikləri Mütəxəssisləri Assosiasiyası (ASVXMA)
• Azərbaycan Hepato-Pankreato-Biliar Cərrahlar İctimai Birliyi (AHPBCA)

Sertifikatlar və kurslar

• Laparoskopik cərrahiyyə diplomu — Strasburq Universiteti / IRCAD, Fransa, may 2024
• Intensive Course in Laparoscopic General Surgery — IRCAD Strasburq, 13–17 may 2024
• LIVE & LAB for General Surgeons Advanced Course — IRCAD Strasburq, 16–18 oktyabr 2023
• Laparoskopik və robotik kolorektal cərrahiyyə üzrə kadavra kursu — SUNY Stony Brook, ABŞ, 2016
• Onkoplastik süd vəzi cərrahiyyəsi kursu — Böyük Britaniya Royal College proqramı, Qahirə

Dillər

Azərbaycan, türk və ingilis dilləri.

Yenilənib: 30 avqust 2026